தெய்வத்திருமகள்

5 வயது சிறுவனின் மனநிலை கொண்ட கிருஷ்ணாவாக வருகிறார் சீயான் விக்ரம். அவரது 5 வயது மகள் நிலா. சில நிகழ்வுகளால் விக்ரமிடமிருந்து நிலா பிரிக்கப்படுகிறாள். அவளைத் தேடி அலையும் கிருஷ்ணா, வழக்கறிஞரான அனுஷ்காவிடம் போய் சேர்கிறார்.
நல்லதொரு வழக்கிற்காக காத்திருக்கும் அனுஷ்கா, இந்த வழக்கை கையிலெடுக்கிறார். இந்த வழக்கின் மூலம் பணம் கிடைக்கும் என எதிர்பார்த்த அனுஷ்காவிற்கு, விக்ரமின் மனநிலையை அறிந்ததும் அவரை விட்டு விட்டு போய்விடுகிறார். சில சந்தர்ப்பங்களால் விக்ரமின் கதையை அனுஷ்கா கேட்க நேரிடுகிறது.

அப்போது அவருக்கு குழந்தை பிறந்ததும் அவரது மனைவி இறந்து விடுவதும், விக்ரம் மனநிலை குன்றியவராக இருப்பினும், தான் ஒருவரே குழந்தையை மிகுந்த பாசத்துடன் வளர்த்து வந்ததும், பின் அவரது மாமனாரால் ஏமாற்றப்பட்டு, குழந்தையை அவர்களிடம் பறிகொடுத்து விடுவதும் தெரியவருகிறது.


இதையடுத்து நீதிமன்றத்தின் மூலம் விக்ரமின் மகளை விக்ரமுடன் ஒருமணி நேர சந்திப்பிற்கு ஏற்பாடு செய்வதில் வெற்றி பெறுகிறார் வழக்கறிஞரான அனுஷ்கா. அன்னை இல்லாத காரணத்தால், அக்குழந்தை தந்தையிடம் வளர வேண்டும் என்று நீதிமன்றம் மூலம் நிலாவை விக்ரமிடம் பெற்றுத் தர முயல்கிறார் அனுஷ்கா. விக்ரமின் மாமனார் தரப்பில் வழக்கறிஞராக வரும் நாசர் எந்த வழக்கிலும் வெற்றியையே சந்தித்திருப்பவர், மனநிலை குன்றியவரிடம் குழந்தை எப்படி ஒப்படைப்பது என்று வாதிடுகிறார்.



இந்த வழக்கின் முடிவு என்ன? கிருஷ்ணாவிற்கு அவரது குழந்தை நிலா கிடைத்தாளா? மனநிலை குன்றிய விக்ரமை விடுத்து அவரது மாமனாரிடம் நிலா சென்றாளா? என்பதை உணர்ச்சி பூர்வமான முடிவை சொல்லியிருக்கிறார்கள். இந்த பத்து நிமிட கிளைமாக்ஸ் காட்சியை பார்ப்பவர்களின் இதயம், எவ்வளவு இரும்பாக இருந்தாலும் அதனை இளகிய கண்ணீராக மாற்றிவிடுகிறது என்பதை நாம் இங்கே குறிப்பிட்டே ஆகவேண்டும். உணர்வுகளும், பாச உணர்ச்சிகளும் இந்த பத்து நிமிடத்தில் நம்மை வசியம் செய்து விடுகின்றன.

சீயான் விக்ரம், இப்படத்தில் 5 வயது கிருஷ்ணாவாக வாழ்ந்திருக்கிறார். ‘மூன்றாம் பிறை’யில் ஸ்ரீதேவி போல, இப்படத்தில் விக்ரம் வாழ்ந்திருக்கிறார். இதற்கு நிச்சயம் விருது கிடைக்கும் என்றே சொல்லலாம். குழந்தைக்கு கதை சொல்வது,. கண்ணுங் கருத்துமாய் பார்த்துக் கொள்வது என மனிதர் அசத்தியிருக்கிறார். இப்படத்தின் மையமே 5 வயது மகளாக வரும் சாரா என்ற குழந்தைதான். இவளைச் சுற்றித்தான் கதையே நகர்கிறது. படம் பார்ப்பவருக்கு இது நம்முடைய குழந்தை என்று அன்பு கொள்ளும் அளவிற்கு மிகவும் இயல்பாய் நடித்து அசத்தியிருக்கிறாள். சிறந்த குழந்தை நட்சத்திரம் விருதினை இந்த சிறுமி தட்டிச் செல்வாள்.

வழக்கறிஞராக வரும் அனுஷ்கா, அவருக்கு உதவியாளராக வரும் சந்தானம். இந்த கூட்டணி முன்பாதியில் காமெடியில் களை கட்டுகிறது. பின்பாதியில் விக்ரமிற்காக போராடும் போது, பாராட்ட வைக்கிறது. அனுஷ்காவிற்கு மிகவும் பொறுத்தமான வேடம். கலக்கியிருக்கிறார். நிலாவின் ஸ்கூல் கரெஸ்பாண்டென்டாக வரும் அமலா பால், இறந்து போன தனது அக்காவின் குழந்தைதான் நிலா என்று தெரிய வரும்போது அவர் காட்டுகிற அன்பு நம்மை அசர வைக்கிறது. அவ்வளவு இயல்பு, மைனாவிற்கு அடுத்த படத்தில் மிகவும் தேர்ந்த நடிப்பை கொடுத்திருக்கிறார்.


நாசர் தன் பங்கிற்கு தனது வேலையை கன கச்சிதமாகவும் கம்பீரமாகவும் செய்து முடித்திருக்கிறார். இசையமைப்பாளர் ஜி.வி.பிரகாஷின் இசை இப்படத்திற்கு மிகப்பெரிய பலமாக அமைந்துள்ளது எனலாம். உணர்ச்சி மயமான காட்சிகள் வரும் போது தனது பின்னணி இசையால் அதற்கு உயிரூட்டி இருக்கிறார். பாடல்களும் மெல்லிசை கலந்த தாலாட்டாக காதில் ரீங்காரமிடுகிறது.

விக்ரமின் குரலில் ‘கதை சொல்ல போறேன்.. ஒரு கதை சொல்லப் போறேன்” பாடல் நிச்சயம் குழந்தைகளுக்கு பிடித்த பாடலாக அமையும் என்பதில் சந்தேகமில்லை. நீரவ்ஷாவின் ஒளிப்பதிவு ஊட்டியை அடுத்துள்ள அவலாஞ்சி கிராமத்தை, தனது கேமரா கண்களால் சிறைபிடித்து நம் கண்ணில் உலவ விட்டிருக்கிறது. ‘விழிகளில் ஒரு வானவில்’ பாடலில் ஒளிப்பதிவாளரின் கோணங்களை, தனது படத்தொகுப்பு திறமையில் செதுக்கியிருக்கிறார் ஆண்டனி.

‘மதராசபட்டினம்’ என்ற படத்தைக் கொடுத்த விஜய், ஒரு தந்தை-மகளின் பாசப் போரட்டத்தை மிகவும் உணர்ச்சிமயமாகவும், தனது அட்டகாசமான திரைக்கதையாலும் தெய்வத்திருமகளை நம்முன் உலவ விட்டிருக்கிறார். அவரது உழைப்பு, அனைவரின் நடிப்பு அனைத்தும் குடும்பமாய் வாழ்கின்ற அனைத்து தரப்பு ரசிகர்களின் அரவணைப்பையும் பெறும். இரண்டே முக்கால் மணி நேரம் ஓடுகின்ற இந்த நீளமான படத்தை, தனது உணர்ச்சிகரமான திரைக்கதையால் அதை மறக்கடிக்கச் செய்திருக்கிறார் இயக்குனர் விஜய். ரத்தமும், கலவரமும், சதையும், கவர்ச்சியையும் நம்பி உலா வரும் படங்களிடையே, நம்முள் உறைந்து கிடக்கும் பாச உணர்வுகளை, 'தெய்வத்திருமகள்' மூலமாய் உணர்ச்சிபூர்வமாக சொல்லியிருக்கும் விஜய்க்கு ஆயிரம் முறை சபாஷ் போடலாம். நீண்ட நாட்களுக்குப் பிறகு ஒரு நிறைவான குடும்பப் படத்தை பார்த்த திருப்தியை இந்த ‘தெய்வத்திருமகள்’ நமக்குத் தருகிறாள்.

செயலிழந்த பேஸ்புக் கணக்கினை எவ்வாறு மீள ஆரம்பிப்பது ?

உங்களுடைய பேஸ்புக் கணக்கு திடீரென செயற்படாமல் போய்விட்டதா?

கவலையை விடுங்கள், இது யாருக்கு வேண்டுமானாலும் நிகழக்கூடும், இதனை ஒரு சின்னக் கவனத்தோடு செயற்பட்டு சரிக்கட்டிவிட முடியும்.

முதலில் நீங்கள் பேஸ்புக்கின் Statement of Rights & Responsibilities இனை அறிந்துகொள்ள வேண்டும். இது ஒரு மிகப்பெரிய ஆவணம் என எமக்குத் தெரியும்.

ஆனால், இதில் மிக முக்கியமான வழிகாட்டிக் குறிப்புகள் அடங்கியுள்ளன. அவை உலகின் மிகப்பெரிய சமூக வலைத்தளமான பேஸ்புக்கில் நாம் எதைச் செய்ய வேண்டும், எதைச் செய்யக் கூடாது என்பதை விளக்குகின்றன.

ஏன் கணக்கு செயலிழந்தது?

தேவையற்ற புகைப்படங்களைப் பகிர்தல், பொய்யான பெயர்களைப் பாவித்தல், தேவையற்ற விதத்தில் தொல்லை கொடுக்கும் நோக்கில் தொடர்புகளை ஏற்படுத்தல், விளம்பர மற்றும் டேட்டிங் (சந்திப்புகள்) போன்ற தேவைகளுக்காக தொடர்புகளை ஏற்படுத்தல் போன்ற காரணங்களினால் கணக்குகள் செயலிழக்கச் செய்யப்படுகின்றது.

உங்கள் கணக்கு தடைசெய்யப்படவும் கூடும். இதன் அர்த்தம், உங்கள் கணக்கு முற்றிலும் செயலிழக்கச் செய்யப்பட்டுள்ளது என்பதில்லை. ஆனால், நண்பர்களுக்கான வேண்டுகோள்களை அனுப்புவது (friends request) தகவல்களைப் பரிமாறுவது போன்றவை தடைசெய்யப்பட்டிருக்கும்.

ஆனால், இந்தத் தடை தற்காலிகமானதே. அதற்காக இவ்வாறானவற்றை எந்தக் காரணத்திற்காகவும் பேஸ்புக் ஒருபோதும் ஏற்றுக்கொள்ளாது. எனவே நீங்கள் சற்றுப் பொறுத்து உங்களைப் பற்றித் தெரியப்படுத்தி அந்தத் தவறை திரும்ப செய்யாமல் இருந்து சரிக்கட்ட வேண்டும்.

உங்களுடைய கணக்குகள் வேறொருவரால் திருடப்பட்டு அவர்கள் தேவையற்ற விடயங்களைப் பதிவிடுவதால் கூட உங்கள் கணக்கு செயலிழக்கச் செய்யப்படும் என்பதையும் நீங்கள் அறிந்து வைத்திருக்க வேண்டும்.

பிரச்சினையைத் தீர்ப்பது எப்படி?

இவ்வாறான சந்தர்ப்பத்தில் உங்களுடைய கணக்கை மீண்டும் செயற்பட செய்ய வைப்பதற்கு முதலில் நீங்கள் இந்தப் படிவத்தை நிரப்ப வேண்டும்.

இந்தப் படிவம் பேஸ்புக்கில் Log in செய்யப்படா விட்டாலும் உங்களுக்குக் கிடைக்கக்கூடியதாக இருக்கும். அதேநேரம் disabled@facebook.com என்ற ஈமெயில் முகவரிக்கு ஈமெயில் ஒன்றினை அனுப்பி உங்கள் கணக்கு தடை செய்யப்பட்டதற்கான காரணத்தைக் கேட்க முடியும்.

அதோடு தேவையற்ற விடயங்களை நீக்குவதாகவும் தெரியப்படுத்த வேண்டும். பேஸ்புக்கின் help section மூலமாகவும் நீங்கள் உதவிகளைப் பெற முடியும்.

உங்கள் கணக்கைப் பாதுகாப்பது எவ்வாறு?

எவ்வாறாயினும் உங்களுடைய கணக்கைப் பாதுகாப்பாக வைத்திருப்பது மிக முக்கியமானது. இந்த this wizard பகுதியைப் பயன்படுத்தி அதன் மூலம் உங்களுடைய கணக்கின் கடவுச் சொல், ஈமெயில் முகவரியின் கடவுச்சொல் போன்றவற்றை உடனடியாக மாற்றிக்கொள்ள வேண்டும்.

அதேவேளை this guide மூலமாக உங்களுடைய பேஸ்புக் தரவுகளை சேமித்து வைத்துக்கொள்ளவும் முடியும்.

Facebook கடந்து வந்த பாதை

உலகமெங்கும் பரந்து விரிந்து உலகத்தினை ஒரு வீடாக சுருக்கி வைத் திருக்கும் இணையத்தில் காணப்படக்கூடிய குறிப்பிட்டு சொல்லகூடிய முத்துக்களில் ஒன்றான facebook நம்மவர்களில் பாஷையில் மூஞ்சி புத்தகம், முகப்புத்தகம் என அழைக்கப்படும் இது மிக முக்கிய பங்காற்றி வருக்கிறது என்றால் அது மிகையல்ல.



Facebook இனது வரலாற்றை அறிவது சுவாரசியமானது.எனவே அதன் முக்கிய வளர்ச்சி பாதையின் முக்கிய படிக்கற்களை பார்க்கலாம்.


February 2004
Facebook இன் நிறுவனர்களான Mark Zukerberg ,Dustin Moskovitz ,Chris Hughes ,Eduardo Saverin ஆகியோர் இணைந்து அவர்களின் ஹார்வர்ட் கல்லூரியில் facebook இனை நிறுவுகின்றனர்.


March 2004
Satandford ,Columbia ,Yale போன்ற கல்லூரி மாணவர்களும் இணைகின்றனர்


September 2004
1. "Groups Application " facebook இல் சேர்க்கப்படுகிறது.
2. Facebook உறுப்பினரின் profile இக்கு wall எனும் feature சேர்க்கப்படுகிறது.


December 2004
Facebook 1 மில்லியன் உறுப்பினர்கள் எனும் மைல் கல்லை அடைகிறது.


May 2005
800 இக்கும் மேற்பட்ட கல்லூரிகளை உள்ளடக்கும் வலையமைப்பாகிறது.


August 2005
Thefacebook .com என்ற கம்பனியின் பெயர் Facebook என மாறுகிறது


September 2005
Facebook வலையமைப்பில் HighSchool மாணவர்களும் இணைகின்றனர்


October 2005
1. Facebook வலையமைப்பில் InternationalSchool மாணவர்களும் இணைகின்றனர்.
2. Facebook இல் application ஆக Photos feature சேர்க்கப்படுகிறது.


December 2005
Facebook 5 .5 மில்லியன் உறுப்பினர்கள் எனும் மைல் கல்லை அடைகிறது.


April 2006
Mobile Feature இனை facebook ஆரம்பிக்கிறது.


May 2006
Facebook இல் வேலை செய்பவர்கள் வலையமைப்பு சேர்க்கப்படுகிறது .


Auguest 2006
1. Facebook Development Platform உருவாகிறது
2. Notes எனும் appilication சேர்க்கப்படுகிறது


September 2006
1. News Feed ,Mini -Feed அறிமுகமாகிறது.
2. யாரும் இணையலாம் என facebook இன் கதவுகள் திறக்கின்றன.


November 2006
Facebook இல் Share எனும் Feature சேர்க்கப்படுகிறது


December 2006
Facebook 12 மில்லியன் உறுப்பினர்கள் எனும் மைல் கல்லை அடைகிறது.


Febrauary 2007
Facebook இல் VirtualGiftShop எனும் Feature சேர்க்கப்படுகிறது


March 2007
1. 2 மில்லியன் கனடா உறுப்பினர்களை தன்னகத்தே கொள்கிறது
2. 1 மில்லியன் UK உறுப்பினர்களை தன்னகத்தே கொள்கிறது


April 2007
1. Facebook 20 மில்லியன் உறுப்பினர்கள் எனும் மைல் கல்லை அடைகிறது.
2. தனது தளத்தின் வடிவமைப்பை மாற்றுகிறது


October 2007
1. Facebook 50 மில்லியன் உறுப்பினர்கள் எனும் மைல் கல்லை அடைகிறது.
2. Mobile இக்கான Facebook Platform அறிமுகமாகின்றது


November 2007
"Facebook Ads " இனை facebook ஆரம்பிக்கின்றது


January 2008
ABC இன் ஜனாதிபதி தேர்தல் விவாதங்களின் Co -Sponsors


February 2008
Spanish ,French மொழிகளில் facebook கிடைக்கிறது


March 2008
ஜெர்மன் மொழியில் facebook கிடைக்கிறது


April 2008
1. "Facebook Chat " இனை அறிமுகப்படுத்துகின்றது
2. 21 மொழிகளுக்கான Translation Application அறிமுகமாகிறது


August 2008
100 மில்லியன் உறுப்பினர்கள் எனும் மைல் கல்லை அடைகிறது.


December 2008
"Facebook Conncet " அறிமுகமாகிறது


January 2009
1. 150 மில்லியன் உறுப்பினர்கள் எனும் மைல் கல்லை எட்டுகிறது
2. CNNLive /Facebook ஒன்றிணைவு


February 2009
1. 175 மில்லியன் உறுப்பினர்கள் எனும் மைல் கல்லை எட்டுகிறது
2. OpenID board இல் இணைகிறது
3. "Like " Feature இணைக்கப்படுகிறது


April 2009
200 மில்லியன் உறுப்பினர்கள் எனும் மைல் கல்லை எட்டுகிறது


June 2009
Facebook Username இனை அறிமுகப்படுத்துகின்றது


July 2009
250 மில்லியன் உறுப்பினர்கள் எனும் மைல் கல்லை எட்டுகிறது


Agust 2009
FriendFeed இனை facebook acquire பண்ணுகின்றது


September 2009
300 மில்லியன் உறுப்பினர்கள் எனும் மைல் கல்லை எட்டுகிறது


December 2009
350 மில்லியன் உறுப்பினர்கள் எனும் மைல் கல்லை எட்டுகிறது


February 2010
400 மில்லியன் உறுப்பினர்கள் எனும் மைல் கல்லை எட்டுகிறது


July 2010
500 மில்லியன் உறுப்பினர்கள் எனும் மைல் கல்லை எட்டுகிறது

மொபைல் சாதனங்களின் வளர்ச்சி பாதை

மனிதர்களுக்கு இடையேயான தொடர்பாடல்களில் முக்கியத்துவம் உணரப் பட்ட போது அதற்கு ஏற்ப பாதுகாப்பு பிரிவினர் மட்டும் பயன்படுத்திய சாதாரண ரேடியோ சிஸ்டம்ஸ் களில் ஆரமித்து இன்று பள்ளி செல்லும் குழந்தை கையில் கூட ஸ்மார்ட் போன் ஒன்று இருக்கும் அளவுக்கு மொபைல் கருவிகளின் தொழில்நுட்பம், பயன்பாடு வர்ந்த்துள்ளது.

இதன் வளர்ச்சி பாதையில் கண்டுபிடிக்கப்பட்ட அல்லது பாவனைக்கு வந்த தொலைத்தொடர்பு கருவிகளதும் ,தொழில்நுட்பங்களும் அவை அறிமுகமான ஆண்டும்.


1907
முதலாவது Wireless Telephone System உருவானது

1930
முதல் Motrola Brand car Radio தயாரிக்கப்பட்டது

1931
கனேடியரால் Walkie -Talkie கண்டுபிடிக்கப்பட்டது

1936
போலீசாருக்கான Police Crusier Radio Receiver உருவானது

1940
எடுத்து செல்லப்படக்கூடிய Handi -Talkie ரேடியோ

1943
முதலாவது எடுத்து செல்லக்கூடிய FM Two -Way Radio

1947
Citezen 's Band Radio , Car Radiotelephone

1947
Transistor (கொள்ளளவி) கண்டுபிடிக்கப்பட்டது

1949
Pager (beeper ) உருவாக்கப்பட்டது

1954
முதலாவது எடுத்து செல்லக்கூடிய ரேடியோ

1956
கார் மொபைல் போன் சிஸ்டம்

1958
கம்ப்யூட்டர் சிப் (IC ) உருவானது

1966
Cordless தொலைபேசி உருவானது

1972
இன்டெல் இன் முதலாவது மைக்ரோ Processor

1973
முதலாவது தொலைபேசி பாவனைக்கு வந்தது

1983
முதலாவது எடுத்துசெல்லக்கூடிய கமெர்சியல் செல்போன்

1991
உலகின் முதலாவது GSM செலூலர் போன்

1993
SMS பயன்படுத்தப்பட்ட்டது (தற்செயல் நிகழ்வு)

1994
Bluetooth டெக்னாலஜி உருவாக்கப்படாது

1995
முதலாவது இரு வழி பேஜர் உருவானது

1998
Nokia 2110
முதலாவது Color Palm -Size PC

2000
முதலாவது GPRS செலூலர் சிஸ்டம்

2002
Blackberry5810 சந்தைக்கு வந்தது

2003
Motrolla இன் A600 செல்லுலர் போன்

2004
மைக்ரோசொப்ட் இன் முதலாவது மியூசிக் போன்

2005
Maicrosoft 3G போன்

2006
Microft Windows 5 .0 Smartphone
Motrola வின் Ming Smartphone
போன்றன பாவனைக்கு வந்தது

2007

iPod Touch
Apple இன் iPhone
Android OS
Wi -Max
Amzon Kindle (Wirless Reading Device )
போன்றன இவ்வாண்டு அறிமுகமாகின

2008
முதலாவது Androd Phone
HTC Dream
iPhone 3G
iPhone இக்கான SKD
என்பன இவ்வாண்டில் அறிமுகமாகின

2009
Nokia 900 அறிமுகமானது

2010

iPad ,IPhone 4 , BlackBerry Play Book
பயன்பாட்டுக்கு வந்தது.

உலகின் பொது நாணயம் : டாலர் vs யூரோ

உலகின் பொது நாணயமாக (World's reserve currency) அமெரிக்க டாலர் ஏன் இருக்க வேண்டும் என்ற கேள்வி வலுப்பெற்றுக் கொண்டே இருக்கிறது. இந்த வாரம் ஹிந்து நாளிதழில் கூட இது பற்றிய ஒரு தலையங்கம் வெளியாகி இருந்தது.உலகின் பொது நாணயமாக டாலர் இருக்கும் பட்சத்தில் அதன் மதிப்பில் ஒரு நிலையான தன்மை இருக்க வேண்டும். மாறாக டாலரின் மதிப்பு கடந்த சில ஆண்டுகளாக நிலையில்லாமல் இருக்கிறது. இந் நிலையில் அதற்கு மாற்றாக யூரோ அல்லது சீனாவின் RenMinBi நாணயம் உருவாகக்கூடும் என்று கருதப்படுகிறது. சீனாவின் நாணயம் கட்டுப்படுத்தப்பட்ட நாணயமாக இருப்பதால் டாலருக்கு மாற்றாக யூரோ தான் பெரும்பாலானோரால் முன்வைக்கப்படுகிறது.1944 உலகப் போருக்குப் பிறகு பிரிட்டனுக்கு ஏற்பட்ட கடுமையான பொருளாதார பாதிப்பால் அமெரிக்கா புதிய வல்லரசாக உருவாகிய சூழலில் டாலர் உலகின் பொது நாணயமாக ஏற்றுக் கொள்ளப்பட்டது. இந்த முறையின் படி மற்ற நாட்டின் நாணயங்கள் அமெரிக்க டாலருடன் ஒரு குறிப்பிட்ட பரிமாற்றத்தில் நிலையாக பிணைக்கப்பட்டது. உதாரணமாக 1 அமெரிக்க டாலர் = 10 இந்திய ரூபாய். இதில் எப்பொழுதும் எந்த மாற்றமும் இருக்காது. இதனை Fixed Exchange Rate என்று சொல்வார்கள். இது போலவே அமெரிக்க டாலருடன் தங்கமும் ஒரு குறிப்பிட்ட அளவுக்கு பிணைக்கப்பட்டது.இந்த முறை மூலம் ஏற்பட்ட பல பொருளாதார பிரச்சனைகளால் 1970க்குப் பிறகு இந்த முறை மாற்றப்பட்டு சந்தை வர்த்தகம் மூலம் ஒரு குறிப்பிட்ட நாணயத்திற்கு இருக்கும் தட்டுப்பாடு, தேவை போன்றவை கொண்டு நாணயத்தின் மதிப்பை கணக்கிடும் முறை அமலுக்கு வந்தது - Floating. இதுவே தொடர்ந்து கொண்டும் இருக்கிறது.உலகின் மிகப் பெரிய பொருளாதாரமாகவும், சக்தி வாய்ந்த வல்லரசாகவும் அமெரிக்கா இருப்பதால் இதில் எந்தப் பிரச்சனையும் இருக்க வில்லை. ஆனால் யூரோ நாணயம் அறிமுகப்படுத்தப்பட்ட பொழுது அது அமெரிக்காவின் டாலருக்கு போட்டியாகவே கொண்டு வரப்படுவதாக அனைவரும் கருதினர்.உலகின் பொது நாணயத்திற்கு ஏன் இந்தப் போட்டி ?உலகின் பொது நாணயமாக டாலர் இருப்பதால் அமெரிக்காவிற்கு ஏராளமான நன்மைகள் கிடைக்கிறது. அமெரிக்காவின் இறக்குமதி/ஏற்றுமதி நிலவரங்களில் கடுமையான பற்றாக்குறை உண்டு. அதன் ஏற்றுமதியை விட இறக்குமதி அதிகம். இந்தப் பற்றாக்குறை அதிகரித்து கொண்டே தான் இருக்கிறது. ஆனாலும் அமெரிக்கா உலகின் மிகப் பெரிய பொருளாதாரமாக தொடர்ந்து நீடிப்பது எப்படி ?அது தான் உலகின் பொது நாணயம் கொடுக்கும் நன்மைஉலகின் பல்வேறு வர்த்தகங்கள் டாலர் மூலமாகவே நடக்கிறது. குறிப்பாக கச்சா எண்ணெய் போன்றவை. கச்சா எண்ணெய் வாங்க வேண்டுமெனில் டாலர் வேண்டும். அதனால் உலகில் உள்ள ஏராளமான நாடுகள் அமெரிக்காவின் டாலரை வாங்குகின்றன. இது தவிர ஒரு நாட்டின் ஏற்றுமதி அதிகரிக்க வேண்டுமெனில் அதன் நாணயத்தின் மதிப்பு குறைவாக இருக்க வேண்டும். ஏற்றுமதி அதிகரித்தால் தான் நாட்டின் பொருளாதாரம் உயரும். கடும் போட்டியிருக்கும் ஏற்றுமதியில் பல நாடுகள் தங்கள் நாணயத்தின் மதிப்பை குறைத்து ஏற்றுமதியை அதிகரிக்க முயலுகிறார்கள். தங்கள் நாணயத்தை ஒரு கட்டுக்குள் வைத்துக் கொள்ள அவர்களுக்கு டாலர் வேண்டும். அதற்காக நிறைய டாலரை வாங்குகிறார்கள். அமெரிக்கா வெளியிடும் Treasury Bonds போன்றவற்றையும் பெற்று தங்கள் கையிருப்பில் வைத்துக் கொள்கிறார்கள். இவ்வாறு உலகின் பெரும்பங்கு டாலர் கையிருப்பு ஆசிய நாடுகளிடம் தான் உள்ளது. அமெரிக்க டாலரில் 55% முதல் 70% அமெரிக்காவிற்கு வெளியே தான் இருக்கிறது.பல ஆசிய நாடுகள் ஏராளமான அமெரிக்காவின் பாண்ட்களை வைத்திருக்கிறார்கள். தங்கள் நாணயத்தை ஒரு கட்டுக்குள் வைத்துக் கொள்ள அமெரிக்க டாலரை தங்கள் கையிருப்பில் இந்த நாடுகள் தேக்கிக் கொள்கின்றன. இதனால் ஆசிய நாடுகளின் நாடுகளின் நாணய மதிப்பு குறைவாக இருக்கிறது. இதன் மூலம் அவர்களால் அமெரிக்காவிற்கு குறைந்த விலைக்கு பொருட்களை ஏற்றுமதி செய்ய முடிகிறது. இந்த தேக்கம் அமெரிக்காவிற்கு வட்டியில்லா கடன் போலத் தான். டாலர் உலகின் பொது நாணயமாக இருக்கும் வரையில் இது திருப்பி தரத் தேவையில்லாத கடனாக அமெரிக்காவிற்கு கிடைக்கிறது. அமெரிக்கா நிறைய இறக்குமதிகளை செய்தாலும் உலகின் பொது நாணயமாக இருப்பதால் கிடைக்கும் கடனை கொண்டு குறைந்த விலைக்கு ஆசிய நாடுகளின் பொருட்களை பெற்றுக் கொண்டு சுகமாக காலம் கழிக்க முடிகிறது.உதாரணமாக சீனாவின் நாணயத்தை எடுத்துக் கொண்டால் அது அமெரிக்க நாணயத்துடன் ஒரு குறிப்பிட்ட பரிமாற்றத்த விகிதத்தில் பிணைக்கப்பட்டுள்ளது. இதனால் டாலர் சரியும் பொழுதெல்லாம் அதன் நாணயமும் சரிகிறது. நாணயம் சரிவதால் அதன் ஏற்றுமதியும் அதிகரிக்கிறது. அதன் பொருட்களும் மலிவாக கிடைக்கிறது. இவ்வாறான முறையை சீனா கைவிட வேண்டுமென அமெரிக்கா வற்புறுத்திக் கொண்டே இருக்கிறது. ஆனால் சீனா கண்டுகொள்வதில்லை. சீனாவுடனான அமெரிக்காவின் ஏற்றுமதி/இறக்குமதி ஏற்றத்தாழ்வுகள் மிக அதிகம். அமெரிக்காவின் மொத்த வர்த்தக ஏற்றத்தாழ்வில் கால்வாசி சீனாவுடனான வர்த்தக ஏற்றத்தாழ்வாலேயே ஏற்படுகிறது.சீனா இம் முறை தனக்கு வசதியாக இருக்கும் வரை இதனையே பின்பற்றும். ஆனால் கூடிய விரைவில் உலக வர்த்தக மையத்தின் சட்டதிட்டங்களுக்கேற்ப இதனை கைவிடும் சூழ்நிலை ஏற்படும் பொழுது தனது நாணயத்தின் கட்டுப்பாட்டு தன்மையை நீக்கும். அப்பொழுது சீனாவின் நாணய மதிப்பு உயரும். அமெரிக்காவில் மலிவாக கிடைக்கும் ஏராளமான சீனப் பொருட்கள் விலையும் உயரும். பல சீனப் பொருட்களை நம்பி இருக்க வேண்டிய சூழலில் அமெரிக்கா இருக்கிறது. பொருட்களின் விலை உயரும் பொழுது பணவீக்கம் அதிகரிக்கும். மக்களின் வாழ்க்கை தரத்திற்கு சவால் எழுகிறது.

The World Bank (உலக வங்கி)

The World Bank (உலக வங்கி)




உலக வங்கி குழுமம், ஐந்து பன்னாட்டு நிருவனங்களை உள்ளடக்கிய நிறுவனம் ஆகும். வறுமை குறைப்பு, நாடுகளின் முன்னேற்றம், உறுப்பு நாடுகளில் பன்னாட்டு முதலீடுகளை ஊக்குவிப்பது, முதலீடுகளை அதிகரிப்பது ஆகியன உலக வங்கியின் குறிக்கோள்களாகும். உலக வங்கியும் அதன் அங்க நிறுவனங்களும் அமெரிக்கத் தலை நகரான வாஷிங்டன் டி.சி. யில் தங்கள் தலைமை அலுவலகங்களை அமைக்கப்பெற்றுள்ளன.

தனி நிறுவனமான அனைத்துலக நாணய நிதியம் யும் சேர்த்து உலக வங்கி குழுமம், சிலசமயங்களில் "பிரெட்டன் உட்ஸ் நிறுவனங்கள்" என அழைக்கப்பெறுகின்றன. நியூ ஆம்ப்ஷயர் நகரின், பிரெட்டன் உட்ஸில் நடந்த ஐக்கிய நாடுகளின் மானிட்டரி மற்றும் ஃபினான்ஷியல் மாநாட்டிற்கு பிறகு (1 முதல் 22 ஜூலை, 1944) இன்நிறுவனங்களுக்கு இப்பெயர் கிட்டிற்று.

உலக வங்கி நிர்வாகம்

இதன் தலைவர் எப்பொழுதும் ஓர் அமெரிக்கராக இருப்பதும், அனைத்துலக நாணய நிதியத்தின் தலைவர் ஐரோப்பியராக இருப்பதும் வழக்கம்.


இவற்றையும் பார்க்க
அமெரிக்க டொலர் ஒழுங்குடைமை
அனைத்துலக நாணய நிதியம்
பிரித்தானியக் கிழக்கிந்தியக் கம்பனி


உலக வணிக அமைப்பு
உலக வணிக அமைப்பு (ஆங்கிலம்)
Organisation mondiale du commerce (பிரெஞ்சு)
Organización Mundial del Comercio (எசுப்பானியம்)

தோற்றுவிக்கப்பட்ட நாள் 1 ஜனவரி 1995
தலைமை அலுவலகம் ஜெனீவா, சுவிட்சர்லாந்து
அங்கத்துவம் 153 உறுப்பு நாடுகள்
அதிகாரப்பூர்வ மொழிகள் ஆங்கிலம், பிரெஞ்சு, ஸ்பானியம் [1]
இயக்குனர் நாயகம் பஸ்கால் லாமி
வரவு-செலவு 180 மில்லியன் சுவிஸ் பிராங்க்குகள் (சுமார். 163 மில்லியன் USD) 2008 இல்.[2]
வேலையாட்கள்Staff 625[3]
இணையத்தளம் www.wto.int
உலக வணிக அமைப்பு (World Trade Organization) என்பது, பன்னாட்டு வணிகத்தை மேற்பார்வை செய்வதற்கும், அதைத் தாராண்மைப் படுத்துவதற்குமாக ஏற்படுத்தபட்ட ஒரு பன்னாட்டு அமைப்பு ஆகும். 1995 ஆம் ஆண்டு ஜனவரி 1 ஆம் நாள் இவ்வமைப்பு உருவானது.

உலக வணிக அமைப்பு, நாடுகளிடையே நடைபெறும் வணிக விதிகள் தொடர்பில், ஏறத்தாழ முழு உலகம் தழுவிய நிலையில் செயல்படுகின்றது. இது புதிய வணிக ஒப்பந்தங்கள் குறித்துப் பேச்சுவார்த்தைகள் நடத்துவதற்கும் அவற்றை நடைமுறைப் படுத்துவதற்கும் பொறுப்பானது. அத்துடன் பெரும்பாலான உறுப்பு நாடுகளால் கையெழுத்து இடப்பட்டு அவற்றின் நாடாளுமன்றங்களால் ஏற்றுக்கொள்ளப்பட்ட உலக வணிக அமைப்பின் ஒப்பந்தங்களை உறுப்பு நாடுகள் பின்பற்றுகின்றனவா என்பதையும் இவ்வமைப்பு கண்காணிக்கிறது.

இணைப்பிலிருந்து மீள்விக்கப்பட்டது



அமெரிக்க டொலர் ஒழுங்குடைமை

உலக நாடுகள் அமெரிக்காவின் டொலரை நம்பிக்கையின் அடிப்படையில் பணமாக பயன்படுத்துகின்றன. இந்த செயல்ப்பாட்டை அமெரிக்க டொலர் ஒழுங்குடைமை (American Dollar System) எனலாம். இந்த நம்பிக்கை ஐக்கிய அமெரிக்காவின் ஆயுத பலத்தையும், தெழில்நுட்ப திறனையும் அடிப்படையாக கொண்டது. இப்படியான ஓழுங்கமைவில் ஒரு நாடு தனக்கு வேண்டிய இறக்குமதிகளை செய்வதற்கு அமெரிக்காவின் டொலர் தேவையாக இருக்கும். கடன், வட்டி, நாட்டுப் பொருளாதார திடநிலையை பேணுவதற்கான சேமைப்பு ஆகியவைக்கும் அமெரிக்க டொலரே தேவை.

அனைத்துலக நாணய நிதியம்


அனைத்துலக நாணய நிதியம் (International Monetary Fund) அமெரிக்க டொலர் ஒழுங்குடைமையை பிரதானமாக பாதுகாப்பதற்காக 1945 ஆண்டு உருவாக்கப்பட்டது. எந்த ஒரு முடிவும் 85% அதன் செயலாக்க குழுவின் ஆதவுடன்தான் அமுல்செய்யப்படலாம். இதில் கட்டுப்படுத்தும் 18% வீத அதிகாரத்தை ஐக்கிய அமெரிக்கா கொண்டுள்ளது. இதன் தலைவர் எப்பொழுதும் ஒரு ஐரோப்பியராக இருப்பதும், உலக வங்கியின் தலைவர் அமெரிக்கராக இருப்பதும் வழக்கம்.

பொருளடக்கம்
1 அனைத்துலக நாணய நிதியத்தின் பலக்குறைப்பு
2 இவற்றையும் பார்க்க
3 மேற்கோள்கள்
4 வெளி இணைப்புகள்

அனைத்துலக நாணய நிதியத்தின் பலக்குறைப்பு
அண்மைக் காலத்தில் (2006, 2007) பல கடன் நாடுகள் அனைத்துலக நாணய நிதியத்தில் இருந்து கடன் பெறுவதை தவிர்த்தும், பெற்ற கடனை அடைத்தும் வரவுதால், வருமான அனைத்துலக நாணய நிதியத்தின் வருமானம் குறைந்து, அதன் பலம் சற்று குறுகி வருகின்றது.

The British East India Company பிரித்தானியக் கிழக்கிந்தியக் கம்பனி

The British East India Company (பிரித்தானியக் கிழக்கிந்தியக் கம்பனி)



பிரித்தானியக் கிழக்கிந்தியக் கம்பனி ஒரு கூட்டுப் பங்குக் கம்பனி ஆகும். 1600 ஆம் ஆண்டு டிசம்பர் 31 ஆம் திகதி, இந்தியாவில் பிரித்தானியாவுக்கு வணிக ரீதியான முன்னுரிமைகளைப் பெற்றுக்கொள்ளும் நோக்குடன் தொடங்கப்பட்டு, முதலாம் எலிசபெத் மகாராணியால் இதற்கு ஆங்கிலேய அரசப் பட்டயம் (English Royal Charter) வழங்கப்பட்டது. இப் பட்டயம், கிழக்கிந்தியப் பகுதிகளுடனான எல்லாவிதமான வணிகத்திலும் 21 ஆண்டுகாலத் தனியுரிமையை (monopoly) இக் கம்பனிக்கு வழங்கியது. ஒரு வணிக முயற்சியாகத் தொடங்கப்பட்ட இது, ஆட்சி, மற்றும் இராணுவச் செயற்பாடுகளில் ஈடுபட்டு, இந்தியாவையும், இலங்கை முதலிய நாடுகளை ஆளும் நிலைக்கு வந்தது. இந்த கம்பெனி வணிகத்தை கட்டுப்படுத்தியது மட்டுமல்லாமல் அதனை அடிமைப்படுத்தி, காலனித்துவப்படுத்தி ஆட்சிசெய்யும் அமைப்பாக மாறியது. 1858 ஆம் ஆண்டில் இது ஐக்கிய இராச்சியத்தால் கலைக்கப்பட்டு இதன் கட்டமைப்புக்களை ஐக்கிய இராச்சியத்துடன் நேரடியாக நிர்வகிக்கத் தொடங்கியது.


ஆரம்பகாலக் கம்பனியின் கொடி. அக்காலத்தில், சென் ஜார்ஜின் சிலுவை பொறித்த இங்கிலாந்தின் கொடி இடது மேல் மூலையில் காணப்படுகின்றது.
1707 இல் பெரிய பிரித்தானியா உருவாக்கப் பட்ட பின்னர் கம்பனிக் கொடி, கண்டன் கொடியில் (canton flag), யூனியன் ஜாக் கொடியைத் தாங்கியதாக அமைந்தது.
1801 க்குப் பின்னர் கம்பனிக் கொடி பெரிய பிரித்தானியாவும், அயர்லாந்தும் சேர்ந்து உருவான ஐக்கிய இராச்சியத்தின் கொடியைத் தாங்கியிருந்தது.பொருளடக்கம் [மறை]
1 நாடுகளின் அரசியலில் கம்பனியின் தாக்கம்
2 வரலாறு
2.1 ஆரம்ப காலம்
2.2 ஆரம்பக் கட்டமைப்பு
2.3 இந்தியாவில் காலூன்றியமை
2.4 விரிவாக்கம்
2.5 முழுமையான தனியுரிமைக்கான பாதை
2.5.1 வணிகத் தனியுரிமை
3 இவற்றையும் பார்க்க



நாடுகளின் அரசியலில் கம்பனியின் தாக்கம்
இலண்டனில் தலைமையகத்தைக் கொண்டிருந்த இக் கம்பனி, பிரித்தானியப் பேரரசு உருவாவதில் தலைமை வகித்தது எனலாம். 1717 இல், வங்காளத்தில், சுங்க வரிகளைக் கட்டுவதிலிருந்து விலக்களிக்கும் ஆணையொன்றைக் கம்பனி, முகலாயப் பேரரசரடமிருந்து பெற்றுக்கொண்டது. இது, இந்திய வணிகத்தில், கம்பனிக்குத் தெளிவான முன்னுரிமையை வழங்கியது. 1757 இல், பிளாசி போரில், சர். ராபர்ட் கிளைவ் பெற்ற வெற்றி, கிழக்கிந்தியக் கம்பனியை ஒரு, வணிக மற்றும் இராணுவ வலிமை கொண்டதாக்கியது. 1760 ஆம் ஆண்டளவில், பாண்டிச்சேரி போன்ற ஓரிரு இடங்களைத் தவிர்த்து, இந்தியாவின் ஏனைய இடங்களிலிருந்து பிரெஞ்சுக்காரர் துரத்தப்பட்டனர்.

பெரிய பிரித்தானியாவிலிருந்து, இந்தியாவுக்குச் செல்லும் பாதைகளிலும், கம்பனி ஆர்வம் காட்டியது. 1620 ஆம் ஆண்டிலேயே, தென்னாபிரிக்காவின், டேபிள் மலைப் (Table Mountain) பகுதிக்கு உரிமை கோரியது. பின்னர், சென் ஹெலனாவை ஆக்கிரமித்து ஆட்சி செய்தது. கம்பனி, ஹொங்கொங், சிங்கப்பூர் ஆகியவற்றையும் நிறுவியது. கடற் கொள்ளைகளைத் தடுப்பதற்கு, கப்டன் கிட் (Captain Kidd) என்பவனை அமர்த்தியது. இந்தியாவில் தேயிலை உற்பத்தியிலும் ஈடுபட்டது.


வரலாறு

ஆரம்ப காலம்
இக் கம்பனி, கிழக்கிந்தியாவில் வணிகம் செய்யும், இலண்டன் வணிகர்களின் கம்பனி என்னும் பெயரில் நிறுவப்பட்டது. இதனை நிறுவிய சிறந்த முயற்சியாளர்களும், செல்வாக்குக் கொண்டவர்களுமான வணிகர் குழுவினர், 15 ஆண்டுகளுக்கு, கிழக்கிந்தியாவில் வணிகத்தில் ஈடுபடுவதற்கான தனியுரிமையை அரசிடமிருந்து பெற்றுக்கொண்டனர். 72,000 ஸ்டேர்லிங் பவுண்ட்களைத் தொடக்க மூலதனமாகக் கொண்டிருந்த இக் கம்பனியில் 125 பங்குதாரர்கள் இருந்தனர். தொடக்கத்தில், வாசனைப் பண்டங்களின் வணிகத்தில் டச்சுக் காரர்கள் கொண்டிருந்த கட்டுப்பாட்டைப் பிரித்தானியக் கம்பனியால் அசைக்க இயலாத நிலை. கிழக்கிந்தியாவில் தொடர்ச்சியாக ஒரு தளத்தைக் கூட வைத்திருக்க முடியவில்லை. 1608 ல், கம்பனிக் கப்பல்கள் இந்தியாவின் சூரத்தை அடைந்து அங்கே தங்களை நிலை நிறுத்திக் கொண்டு, அடுத்த இரண்டு வருடங்களுக்குள், கோரமண்டல் கரை எனப்பட்ட இந்தியாவின் கிழக்குக் கரையில், வங்காள விரிகுடாவை அண்டி அமைந்திருந்த மசிலிப்பட்டினத்தில் புறக்காவல்தளம் (outpost) ஒன்றையும் அமைத்துக்கொண்டனர்.

இதனைத் தொடர்ந்து, கம்பனி பெருமளவு இலாபம் ஈட்டத் தொடங்கியது. 1609 இல் முதலாவது ஜேம்ஸ் மன்னன், கம்பனிக்கு வழங்கப்பட்ட வணிக உரிமையை கால வரையறையின்றி நீடித்தான். எனினும், கம்பனி தொடர்ச்சியாக மூன்று ஆண்டுகள் இலாபம் ஈட்டாவிடில், அந்த உரிமம் செல்லுபடியாகாது என்ற ஒரு விதியும் அவ்வுரிமத்திலே சேர்க்கப்பட்டிருந்தது.


ஆரம்பக் கட்டமைப்பு
கம்பனியின் ஆளுநரும், 24 இயக்குனர்களும் கொண்ட இயக்குனர் சபை அதன் நிர்வாகத்துக்குப் பொறுப்பாக இருந்தது. இவர்களை, உரிமையாளர் சபை நியமனம் செய்தது. இதனால், இயக்குனர்சபை, உரிமையாளர் சபைக்குப் பொறுப்புடையதாக இருந்தது. இயக்குனர் சபையின் கீழ் 10 குழுக்கள் இயங்கி வந்தன.

இந்தியாவில் காலூன்றியமை
இந்துப் பெருங்கடல் பகுதியில் கம்பனி வணிகர்களுக்கும், போத்துக்கீச, ஒல்லாந்த வணிகர்களுக்கும் இடையே பகைமை நிலவி வந்தது. 1612 ல், சுவாலிப் போரில், கம்பனி போத்துக்கீசரைத் தோற்கடித்த நிகழ்வு, முகலாயப் பேரரசரான ஜஹாங்கீரிடம், கம்பனிக்குச் சாதகமான போக்கு ஏற்பட வழி வகுத்தது. தொலைதூரக் கடல்களில் இடம்பெற்ற வணிகம் தொடர்பான போர்களின் பயனற்ற தன்மையை உணர்ந்த கம்பனி, பிரித்தானியா, இந்தியா ஆகிய இரு நாடுகளினதும் அதிகாரபூர்வமான அனுமதியுடன், இந்தியாவில் காலூன்றுவதற்கான சாத்தியப்பாடுகளை ஆராய முற்பட்டது. இது குறித்து முகலாய அரசுக்கு ராஜதந்திர அடிப்படையிலான தூது அனுப்பும்படி பிரித்தானிய அரசைக் கம்பனி கேட்டுக்கொண்டது. 1615 ஆம் ஆண்டு, பிரித்தானிய அரசனான முதலாம் ஜேம்ஸ், அக்காலத்தில், இந்தியாவின் பெரும் பகுதியையும், ஆப்கனிஸ்தானையும் சேர்த்து ஆண்டுவந்த முகலாயப் பேரரசனாகிய ஜஹாங்கீரிடம், சர் தோமஸ் ரோ (Sir Thomas Roe) என்பவரைத் தூது அனுப்பியது. சூரத்திலும், ஏனைய பகுதிகளிலும், கம்பனியைச் சேர்ந்தவர்கள் தங்கியிருந்து, நடவடிக்கைகளில் ஈடுபடுவதற்காக, வணிக ஒப்பந்தம் ஒன்றைச் செய்து கொள்வதே இத் தூதின் நோக்கமாகும். இதற்குப் பதிலாக ஐரோப்பியச் சந்தைகளிலிருந்து பண்டங்களையும், அருமையாகக் கிடைக்கக்கூடிய வேறு பொருட்களையும், மன்னருக்கு வழங்குவதாகக் கம்பனி ஒத்துக்கொண்டது. இந்தத் தூது வெற்றிகரமாக அமைந்தது. இதனைத் தொடர்ந்து, பிரித்தானிய வணிகர்கள் எவ்வித கட்டுப்பாடுகளும் இன்றி அவர்கள் விரும்பிய, வணிக நடவடிக்கைகளை மேற்கொள்வதற்கு அனுமதி அளித்துப் பிரித்தானிய மன்னருக்கு, ஜஹாங்கீர் கடிதம் எழுதினார்.


விரிவாக்கம்
இத்தகையதொரு வெளிப்படையான ஆதரவின் கீழ், கோவா, பம்பாய் (இப்பொழுது மும்பாய்) போன்ற இடங்களில் தளங்களைப் பெற்றிருந்த போத்துக்கீசரைக், கம்பனி பின்தள்ளியது. கம்பனி, சூரத், மதராஸ்(இப்பொழுது சென்னை) (1639), பம்பாய் (1668), கல்கத்தா (1690) ஆகிய இடங்களில் தனது வலுவான நிலைகளை அமைத்துக்கொண்டது. 1647 ஆம் ஆண்டளவில், கம்பனிக்கு இந்தியாவில், பக்டறிகள் (factories) எனப்பட்ட புறக்காவல்நிலைகள் 23 ம், 90 ஊழியர்களும் இருந்தனர். இவற்றுள் முக்கியமானவை, வங்காளத்தில் உள்ள வில்லியம் கோட்டை, சென்னையில் உள்ள சென் ஜார்ஜ் கோட்டை, பம்பாய்க் கோட்டை என மதிலால் சூழப்பட்ட கோட்டைகள் ஆயின.

கம்பனியின் முக்கிய வணிகப் பொருள்கள் பருத்தி, பட்டு, நீலச்சாயம் (indigo), பொட்டாசியம் நைத்திரேற்று, தேயிலை என்பனவாகும். மலாக்கா நீரிணைப் பகுதிகளில், வாசனைப் பண்டங்களின் வணிகத்தில் ஒல்லாந்தருக்கு இருந்த தனியுரிமையிலும் இவர்கள் தலையிட ஆரம்பித்திருந்தனர். 1711 இல், வெள்ளி உலோகத்துக்காகத் தேயிலையை வாங்குவதற்காகச் சீனாவிலுள்ள காண்டனில் புறக் காவல்நிலை ஒன்றையும் கம்பனி நிறுவியது.

1670 ஆம் ஆண்டளவில், இரண்டாவது சார்ள்ஸ் மன்னர், கம்பனிக்கு மேலும் பல உரிமைகளை வழங்கினார். இது தொடர்பாக ஐந்து தொடர்ச்சியான சட்டமூலங்கள் உருவாக்கப்பட்டன. இதன்படி, சுதந்திரமான ஆட்சிப்பகுதிகளை உருவாக்கிக் கொள்வதற்கும், நாணங்களை வெளியிடவும், கோட்டைகள், [[படை]கள் முதலியவற்றை வைத்திருக்கவும், கூட்டணிகளை உருவாக்கவும், போரில் ஈடுபடவும், சமாதானம் ஏற்படுத்திக்கொள்ளவும், கைப்பற்றிக் கொண்ட பகுதிகளில், குடிசார் மற்றும் குற்றவியல் நீதி நிர்வாகத்தை நடைமுறைப்படுத்தவும், கம்பனிக்கு உரிமை வழங்கப்பட்டது. வணிகப் போட்டியாளர்களாலும், பிற வல்லரசுகளாலும், பகைமை கொண்ட சில உள்ளூர் ஆட்சியாளர்களாலும் சூழப்பட்டிருந்த கம்பனி தனது பாதுகாப்பைத் தேடிக்கொள்வதற்கு இத்தகைய உரிமைகள் வாய்ப்பாக அமைந்தன. 1680ல், பெஉம்பாலும், அந்நந்த நாடுகளின் உள்ளூர் மக்களைக் கொண்டதாக அமைந்த படைகளைக் கம்பனி உருவாக்கியது. 1689 ஆம் ஆண்டளவில், வலிமை மிக்க படைபலத்துடன், வங்காளம், மதராஸ், பம்பாய் போன்ற பரந்த மாகாணங்களைச், சுதந்திரமாக நிர்வகித்துக்கொண்டு, இந்தியாவில் ஒரு தனி நாடாகவே செயற்பட்டுவந்தது